உலகக்கோப்பை கால்பந்து போட்டியில் அர்ஜென்டினா அணியை வீழ்த்தி சவுதி அரேபியா அணி வெற்றி பெற்றது.
22-வது உலக கோப்பை கால்பந்து போட்டி கத்தாரில் நடைபெற்று வருகிறது. இந்தத்தொடரில் இன்று நடைபெற்ற ஆட்டத்தில் அர்ஜென்டினா- சவுதி அரேபியா அணிகள் மோதின. ஆட்டம் தொடங்கியது முதல் சிறப்பாக விளையாடிய அர்ஜென்டினா அணியினர் கோல் வாய்ப்புகளை உருவாக்கினர் .
ஆட்டத்தின் 10 வது நிமிடத்தில் அர்ஜென்டினா அணிக்கு பெனால்டி கிடைத்தது. இதனை சரியாக பயன்படுத்திய அணியின் கேப்டன் மெஸ்ஸி கோல் அடித்து அசத்தினார். இதனால் முதல் பாதி முடிவில் 1-0 என அர்ஜென்டினா முன்னிலை வகித்தது. பின்னர் 2வது பாதி ஆட்டத்தில் ஆதிக்கம் செலித்திய சவுதி அரேபியா அணியின் சலே அல்ஷெரி 48வது நிமிடத்தில் கோல் அடித்தார்.
சலேம் அல்தாவசாரி 53வது நிமிடத்திலும் கோல் அடித்தார். இதனால் போட்டடியில் பரபரப்பு ஏற்பட்டது. இதற்கு பின்னர் பதிலடி கொடுக்க அர்ஜென்டினா அணி போராடியும் கோல் அடிக்க முடியவில்லை. இதனால் முடிவில் 2-1 என்ற கணக்கில் சவுதி அரேபியா அணி வெற்றி பெற்றது.
