உயர்கல்வியில், புதிய கல்விக் கொள்கை -2020(NEP) நடைமுறைப்படுத்தும் வேளையில் பல்கலைக்கழக மானியக் குழு (UGC) தீவிரமாக ஈடுபட்டு வருகிறது.அந்த வகையில் 4 ஆண்டு இளநிலை ஹானர்ஸ் படிப்பை UGC அறிமுக படுத்தி உள்ளது.
நான்கு ஆண்டு இளநிலை படிப்பில், முதல் ஆண்டு (2-செமஸ்டர்கள்) படித்தால் சான்றிதழ் படிப்பிற்கான (certificated course) தகுதி வழங்கப்படும்.
2 ஆண்டுகள் (4-செமஸ்டர்கள்)படித்தால் படயச்சான்றிதழ் (Diploma certificate) வழங்கப்படும்.
3 ஆண்டுகள் (6-செமஸ்டர்கள்) படித்தால் இளநிலை பட்டம் (UG-Batchloer degeree) வழங்கப்படும்.
4 ஆண்டுகள் (8 செமஸ்டர்கள்)படித்தால் கௌரவ இளநிலை பட்டம் (degeree with honours) வழங்கப்படும்.
மேலும் மாணவர்களுக்கான தேர்வு முறை மற்றும் மதிப்பெண்கள் அடிப்படையில் அவர்களுக்கான ஹானர்ஸ் பட்டமும் வழங்கப்பட உள்ளது.
முதல் 6 செமஸ்டர்களில் 75 சதவீத மதிப்பெண் எடுத்திருக்கும் மாணவர்கள் ஆய்வு படிப்பை மேற்கொள்ள விரும்பினால், 4வது ஆண்டில் சேரலாம்.
4 ஆண்டு முடிவில் 160 மதிப்பெண்கள் பெறும் மாணவர்களுக்கு ஹானர்ஸ் பட்டம் மற்றும் ஆராய்ச்சியுடன் கூடிய ஹானர்ஸ் பட்டம் வழங்கப்படும்.
இளங்கலை படிப்பில் 40 மதிப்பெண்களுடன் முதலாம் ஆண்டில் படிப்பை நிறுத்த விரும்பும் மாணவர்கள் முதலாமாண்டு கோடை விடுமுறையில் கூடுதலாக 4 மதிப்பெண்களுடன் ஏதாவது ஒரு தொழிற்கல்வி படிப்பை முடித்திருந்தால், அவர்கள் 3 ஆண்டிற்குள் மீண்டும் சேர்ந்து, 7 ஆண்டுகளுக்குள் படிப்பை முடிக்க வேண்டும்.
அதே போல், 80 மதிப்பெண்களுடன் 2வது ஆண்டில் படிப்பை நிறுத்த விரும்பும் மாணவர்கள் 2வது ஆண்டு கோடை விடுமுறையில் கூடுதலாக 4 மதிப்பெண்களுடன் ஏதாவது ஒரு தொழிற்கல்வி படிப்பை முடித்திருந்தால், அவர்கள் 3 ஆண்டிற்குள் மீண்டும் சேர்ந்து, 7 ஆண்டுகளுக்குள் படிப்பை முடிக்க வேண்டும்.
புதிய கல்விக் கொள்கையின் அடிப்படையில் உருவாக்கப்பட்ட 4 ஆண்டு இளநிலை படிப்பிற்கான வழிகாட்டு நெறிமுறைகளை யுஜிசி பரிந்துரை செய்துள்ளது.
நான்கு ஆண்டுகள் பாடத்திட்டத்தை நடைமுறைப்படுத்தாவிட்டாலும், மூன்று ஆண்டுகள் நடைமுறையில் உள்ள பாடத்திட்டத்தில் புதிய வழிமுறைகளை பின்பற்ற வேண்டும் எனவும் யுஜிசி அறிவுறுத்தி உள்ளது.
