இயக்குநர் ஷங்கர் இயக்கத்தில் பிரம்மாண்டமான முறையில் எடுக்கப்பட்டு வரும் திரைப்படம் இந்தியன் 2.
இத்திரைப்படத்தில் உலக நாயகன் கமல்ஹாசன் நடித்து வருகிறார். இதற்கு முன் வெளியான இந்தியன் 1 திரைப்படம் மக்களிடையே மாபெரும் வரவேற்பை பெற்றது குறிப்பிடத்தக்கது. கிட்டத்தட்ட இப்படம் வெளியாகி 25 ஆண்டுகள் ஆன நிலையிலும் இதன் இரண்டாம் பாகத்துக்காக மக்களிடையே அதீத எதிர்பார்ப்பு இருந்து வருகிறது.
இதில் நடிகர் கமல் இரட்டை வேடத்தில் நடித்திருந்தார். இதனிடையே இத்திரைப்படத்தின் இரண்டாம் பாக எடுக்க நீண்ட காலமாக இயக்க திட்டமிட்டு வந்தார். இதன் பின் தற்போது இத்திரைப்படத்தின் இரண்டாம் பாகம் உருவாகி வருகிறது. மேலும் இதில் நடிகை காஜல் அகர்வால் , மறைந்த விவேக் போன்ற பலரும் நடித்து வந்தனர்.
இதனிடையே இத்திரைப்படத்தின் படப்பிடிப்புகள் கொரோனா காரணமாக இடையில் நிறுத்தப்பட்டு இருந்தது குறிப்பிடத்தக்கது, இதனிடையே நடிகர் விவேக் சற்றும் எதிர்பாரத விதமாக உடல்நலக் குறைவு காரணமாக உயிரிழந்தது அனைவரையும் அதிர்ச்சிக்குள்ளாக்கியது.நடிகர் விவேக் மறைவதற்கு முன்னதாக நடித்திருந்த திரைப்படங்களில், லெஜண்ட் சரவணன் நடிப்பில் வெளியான லெஜண்ட் திரைப்படத்திலும் , கமல்ஹாசனின் இந்தியன் 2 திரைப்படத்திலும் என்பது குறிப்பிடத்தக்கது.
மேலும் சமீபத்தில் இந்தியன் 2 திரைப்படத்தின் படப்பிடிப்புகள் தொடங்கி விறுவிறுப்பாக நடைபெற்று வரும் நிலையில், இதன் ஒரு அறிவிப்பாக நடிகர் விவேக் மறைந்ததால் அவரின் காட்சிகளை நீக்க இருப்பதாக படக்குழு ஏற்கனவே தெரிவித்தது குறிப்பிடத்தக்கது. இருப்பினும் இதனை ரசிகர்களால் ஏற்றுக்கொள்ள முடியவில்லை, அவர் நடித்த கடைசி திரைப்படம் இது எப்படியாவது இவரின் காட்சிகள் இடம்பெற்றே ஆகவேண்டுமென தொடர்ந்து கருத்துக்கள் தெரிவித்து வந்தனர்.
இதனிடையே தற்போது படக்குழு விவேக்கின் காட்சிகளை நீக்குவதாக இல்லை எனவும், அவரின் கதாபாத்திரத்திற்கு மற்றொரு நபரை நடிக்க வைப்பதாக இருந்த முயற்சியையும் படக்குழு கைவிடுவதாக தெரிவித்துள்ளது. மேலும் விவேக் நடித்து முடித்த காட்சிகளுக்கான டப்பிங் பணிகளுக்கு விவேக்கின் குரலில் பேசுவோர்களை தேடி, அவர்களுக்கு நேர்காணல் நடத்தி, விவேக்கின் குரல் உடையோரை தேர்வு செய்து நிச்சயம் அவரின் காட்சிகள் இந்தியன் 2 திரைப்படத்தில் இடம்பெறும் என தெரிவித்துள்ளனர். இதனை அறிந்த ரசிகர்கள் பலரும் மகிழ்ச்சியடைந்து வருகின்றனர்.
இந்தியன் 2 திரைப்படத்தில் விவேக் நிச்சயம் இருப்பார் – படக்குழு அறிவிப்பு!
