தெலுங்கு இயக்குனர் வெங்கி அட்லூரி இயக்கத்தில் நடிகர் தனுஷ் நடிப்பில் உருவாகி வரும் திரைப்படம் வாத்தி. இத்திரைப்படம் தமிழ் மற்றும் தெலுங்கில் வெளியாக இருப்பதாக படக்குழு ஏற்கனவே அறிவித்திருந்தது.
இரு மொழிகளில் வெளியாவதால் தமிழில் வாத்தி எனவும் , தெலுங்கில் சார் எனவும் இத்திரைப்படத்திற்கு பெயர் வைத்துள்ளனர். இதில் நடிகர் தனுஷுக்கு ஜோடியாக நடிகை சம்யுக்தா மேனன் நடித்துள்ளார். மேலும் இத்திரைப்படத்திற்கு இசையமைப்பாளர் ஜி.வி.பிராகஷ் இசையமைத்துள்ளார்.
வாத்தி திரைப்படத்திற்கு ரசிகர்களிடையே நல்ல எதிர்பார்ப்பு இருந்து வருகிறது. இதனிடையே சமீபத்தில் இப்படத்தின் முதல் பாடல் வெளியாகி ரசிகர்களிடையே நல்ல வரவேற்பை பெற்றது. இதனை தொடர்ந்து இத்திரைப்படத்தின் அடுத்தடுத்த அப்டேட்டுகளுக்காக ரசிகர்கள் ஆவலோடு எதிர்பார்த்து வருகின்றனர்.
சமீபத்தில் இத்திரைப்படம் தள்ளி வைக்கப்படுவதாக தகவல் வெளியாகி ரசிகர்களை அதிர்ச்சிக்கு உள்ளாக்கியது. தற்போது வாத்தி திரைப்படம் பிப்ரவரி மாதம் வெளியாகும் எனவும், வாத்தி திரைப்படத்திற்கான இசை வெளியீட்டு விழாவை பிப்ரவரி மாதம் முதல் வாரத்தில் நடத்த படக்குழு திட்டமிட்டு இருப்பதாக தகவல் வெளியாகி ரசிகர்களை உற்சாகத்தில் வைத்து வருகிறது.
தனுஷ் நடிப்பில் வாத்தி படத்தின் இசை வெளியீட்டு விழா!
