வாரிசு திரைப்படத்துக்கு பின்னதாக நடிகர் விஜய் நடித்து வரும் திரைப்படம் லியோ. இத்திரைப்படத்தை இயக்குனர் லோகேஷ் கனகராஜ் இயக்கி வருகிறார்.
இதனை 7 ஸ்கிரீன் ஸ்டூடியோ பிரம்மாண்டமான முறையில் தயாரித்து வருகிறது. லியோ திரைப்படத்துக்கு இசையமைப்பாளர் அனிருத் இசையமைக்க இருக்கிறார். இதற்கு முன் ஏற்கனவே இயக்குனர் லோகேஷ் கனகராஜ் மற்றும் நடிகர் விஜய் கூட்டணியில் வெளியான மாஸ்டர் திரைப்படம் மக்களிடையே அமோக வரவேற்பை பெற்றது.
இதனை தொடர்ந்து மீண்டும் தற்போது இரண்டாவது முறையாக விஜய் மற்றும் லோகேஷ் கனகராஜ் இணைந்துள்ளாதால் ரசிகர்களிடையே இவர்களின் கூட்டணிக்கு எதிர்பார்ப்பு அதிகரித்த வண்ணம் உள்ளது. மேலும் இத்திரைப்படத்தில் நடிகர் அர்ஜூன் , இயக்குநர் மிஷ்கின் , திரிஷா உள்ளிட்ட முக்கிய நடிகர்கள் பலர் நடித்து வருகின்றனர். மேலும் இத்திரைப்படத்தின் படப்பிடிப்புகள் தற்போது காஷ்மீரில் நடைபெற்று வருகிறது.
இதனிடையே மேலும் பல நடிகர்கள் காஷ்மீரில் நடந்து வரும் படப்பிடிப்புகளுக்காக சென்று வருகின்றனர். இந்நிலையில் தி லெஜன்ட் சரவணன் சமீபத்தில் காஷ்மீரில் இருந்து வரும் நிலையில், இன்று அவர் தனது சமூக வலைத்தள பக்கத்தில் காஷ்மீரில் எடுக்கப்பட்ட வீடியோ, மற்றும் புகைப்படங்களை பதிவிட்டு வருகிறார். இதனை கண்ட ரசிகர்கள் பலரும் இவர் காஷ்மீரில் உள்ளாரே ஒரு வேளை லியோ திரைப்படத்தின் படப்பிடிப்பு தளத்தில் இருப்பாரோ என்றெல்லாம் விஜய் ரசிகர்கள் அச்சம் கொண்டு வருகின்றனர்.
லியோ திரைப்படத்தில் இணைந்தாரா லெஜண்ட் சரவணன்..!
