தமிழ் சினிமாவின் முன்னணி நடிகர்களில் ஒருவரான விக்ரம் தற்போது பா.ரஞ்சித் இயக்கத்தில் தங்கலான் திரைப்படத்தில் பிஸியாக நடித்து வருகிறார். இதனோடு இவர் ஏற்கனவே நடித்திருக்கும் திரைப்படங்களும் வரும் நாட்களில் வெளிவரவுள்ளது.
இதில் கவுதம் வாசுதேவ் மேனன் இயக்கத்தில் விக்ரம் நடித்து வந்த திரைப்படம் துருவ நட்சத்திரம். இத்திரைப்படத்தின் மீது ரசிகர்களுக்கு மிகப்பெரிய எதிர்பார்ப்பு இருந்து வருகிறது.இத்திரைப்படத்தில் விக்ரமனுக்கு ஜோடியாக ரீத்துவர்மா மற்றும் ஐஸ்வர்யா ராஜேஷ் நடித்திருக்கின்றனர். மேலும் இவர்களோடு பார்த்திபன், ராதிகா சரத்குமார் மற்றும் சிம்ரன் என முக்கிய நட்சத்திரங்களும் நடித்திருகின்றனர்.
இத்திரைப்படம் நீண்ட காலத்திற்கு முன்னதாகவே எடுக்கப்பட்ட இத்திரைப்படம் சில பல காரணங்களால் சூட்டிங் நிறுத்தப்பட்டு, அதன் பின் படமாக்கப்பட்டுள்ளது. கிட்டத்தட்ட 2017 ல் தொடங்கிய இத்திரைப்படத்தின் வேலைகள் இன்றும் நடந்துகொண்டே வருகிறது, ரசிகர்கள் பலர் இத்திரைப்படத்தை மறந்துவிடும் நேரத்தில் இத்திரைப்படத்தின் அப்டேட் குறித்து ஓரிரு தகவல்கள் வெளியிடப்பட்டு வருவது குறிப்பிடத்தக்கதாக இருந்து வந்தது.
மேலும் இத்திரைப்படத்தை முழுவதுமாக எடுக்கப்பட்டு 2018 ஆம் ஆண்டு திரையிடப்பட இருந்த நிலையில், சில காரணங்களின் அடிப்படையில் இன்னமும் திரைக்கு வராமலேயே இருந்து வருகிறது. இதனிடையே இத்திரைப்படத்தின் ஓரிரு பாடல்கள் வெளியாகி ரசிகர்களிடையே வரவேற்பையும் பெற்று வந்தது.
இத்திரைப்படத்தை ஒருவழியாக வெளியிட படக்குழு திட்டமிட்டிருக்கும் நிலையில், படத்தின் இறுதிக்கட்ட வேலைகள் பரபரப்பாக நடைபெற்று வருவதாக தகவல்கள் வெளியாகியுள்ளது. இதனை உறுதிப்படுத்தும் விதமாக படக்குழு தற்போது துருவ நட்சத்திரம் குறித்து வெளியிட்டிருக்கும் புதிய போஸ்டர் ஒன்றில் ஜான் உங்களை விரைவில் சந்திப்பார் என குறிப்பிடப்பட்டுள்ளது. தற்போது துருவ நட்சத்திரத்தின் புதிய போஸ்டர் இணையத்தில் வைரலாகி மக்களின் கவனத்தை பெற்று வருகிறது.
