வம்சி இயக்கத்தில் நடிகர் விஜய் நடித்து வெளியான திரைப்படம் வாரிசு. ரசிகர்களின் எதிர்பார்ப்புகளுக்கு மத்தியில் அஜித்தின் துணிவு படத்துடன் வெளியாகி ரசிகர்களின் கவனத்தை பெற்று வருகிறது. வாரிசு திரைப்படத்தை நடிகர் விஜய் நடித்து கொண்டிருக்கும் பொழுதே , அடுத்ததாக லோகேஷ் கனகராஜுடன் இணையப்போவதாக அதிகார்ப்பூர்வமான தகவல்கள் வெளிவந்தது.
இதனை தொடர்ந்து வாரிசு திரைப்படத்தின் ஆடியோ லான்ச் முடிந்த ஓரிரு நாட்களில் தளபது 67 க்கான படப்பிடிப்புகள் சென்னையில் தொடங்கப்பட்டு விறுவிறுப்பாக நடைபெற்று வருகிறது. இத்திரைப்படத்திற்காக ரசிகர்கள் மத்தியில் பெரிய எதிர்பார்ப்பு இருந்து வருகிறது. காரணம் இவர்கள் இருவரது கூட்டணியில் ஏற்கனவே வெளியான மாஸ்டர் திரைப்படத்தால் தான். இயக்குனர் லோகேஷ் கனகராஜ் வளர்ந்து வரும் இயக்குனர்களில் ரசிகர்களின் மனதை அதிகம் கவர்ந்தவர் ஆவார். அவர் இயக்கிய படங்கள் அனைத்துமே மக்களிடையே மிகுந்த வரவேற்பு பெற்று வருகிறது.
லோகேஷ் கனகராஜ் இயக்கத்தில் தளபதியின் அடுத்த திரைப்படம் உருவாகி வருவதால் ரசிகர்கள் அனைவரும் சிறு பதற்றம் கூட இல்லாமல் இருந்து வருகின்றனர். இத்திரைப்படத்தில் நடிகர் விஜய்க்கு 50 வயதுடைய கதாபாத்திரம் எனவும் , அவருக்கு வில்லனாக 6 முன்னணி நடிகர்கள் நடிக்க இருப்பதாகவும் தகவல்கள் வெளியானது.
இந்நிலையில் வாரிசு திரைப்படத்தின் முதற்காட்சியை ரசிகர்களோடு கண்டு களித்த இயக்குனர் லோகேஷ் கனகராஜ் , வாரிசு திரைப்படம் குறித்து கருத்து தெரிவித்து கொண்டிருக்கையில் ,அவரிடம் தளபதி 67 குறித்த அப்டேட் கேட்கப்பட்டது, அதற்கு பதிலளித்த அவர் கூடிய விரைவில் வரும் என தெரிவித்து இருந்தார்.
தற்போது இதை தொடர்ந்து கோவையில் நடைபெற்ற நிகழ்ச்சி ஒன்றில் கலந்து கொண்ட லோகேஷ் கனராஜிடம் தளபதி 67 க்கு ஏதேனும் அப்டேட் என கேட்டபொழுது பத்திரிக்கையாளார்களிடம் அவர் தெரிவித்ததாவது , வாரிசு திரைப்படம் வெளியாக வேண்டும் என்பதற்காக தான் இத்தனை நாட்கள் தளபதி 67 குறித்த எந்த அப்டேட்டுகளும் வெளியிடப்படாமல் இருந்து வந்தது. இப்பொழுது வாரிசு தான் வெளியாகிவிட்டதே இனிமேல் தளபதி 67 அப்டேட்டுகள் தான் , ஒரு பத்து நாட்களில் நீங்கள் அப்டேட் எதிர்பார்க்கலாம் என தெரிவித்துள்ளார், இதனை கேட்ட ரசிகர்கள் மகிழ்ச்சியில் துள்ளி வருகின்றனர்.
வாரிசு வெளியானதே! இனி தளபதி 67 க்கான அப்டேட்டுகள் தான் – இயக்குனர் லோகேஷ் கனகராஜ்!
