வம்சி இயக்கத்தில் விஜய் நடித்திருக்கும் வாரிசு திரைப்படமும் , இயக்குனர் எச்.வினோத் இயக்கத்தில் அஜித் நடித்திருக்கும் திரைப்படமும் வரும் பொங்கலுக்கு வெளியாகி மோத இருக்கின்றனர்.
வாரிசு மற்றும் துணிவு திரைப்படங்களில் நட்சத்திரங்கள் பலர் நடித்திருப்பது படத்தின் மீதுள்ள எதிர்பார்ப்பை நாளுக்கு நாள் அதிகரித்து வருகிறது. துணிவு திரைப்படத்தின் ட்ரைலர் வெளியானது முதல் கவனத்தை அதிகம் பெற்று வருகிறது. இதனிடையே நேற்று வாரிசு திரைப்படத்தின் ட்ரைலர் வெளியானது.
வாரிசு திரைப்படத்தின் ட்ரைலரை தொடர்ந்து துணிவு திரைப்படத்தின் வெளியீட்டு தேதியை படக்குழு அதிகாரப்பூர்வமாக அறிவித்திருந்தது. இதனை தொடர்ந்து வாரிசு திரைப்படத்தின் வெளியீட்டு தேதியையும் படக்குழு தெரிவித்திருந்தது. இரண்டு படங்களுமே வரும் பொங்கலுக்கு ஜனவரி 11 ஆம் தேதி வெளியாவது உறுதியானது.
இதற்கு முன் விஜய் நடிப்பில் ஜில்லா திரைப்படமும் , அஜித்தின் வீரம் திரைப்படமும் கடந்த 9 வருடங்களுக்கு முன்னதாக பொங்கலுக்கு ஜனவரி 10 ஆம் தேதி வெளியாகியது. இதில் இரண்டு படங்களுமே மக்களிடையே அமோக வரவேற்பை பெற்றது குறிப்பிடத்தக்கது. இந்நிலையில் தற்போது வெளியாக இருக்கும் துணிவு மற்றும் வாரிசு திரைப்படங்கள் மக்கள் மனதில் எந்த அளவிற்கு இடம் பிடிக்கும் என்பது மிகவும் சுவாரஸ்யத்தை பெருக்கி வருகிறது.
மேலும் அஜித்தின் துணிவு திரைப்படம் வங்கிக் கொள்ளையை அடிப்படையாக வைத்தும், வாரிசு திரைப்படம் தாய்ப் பாசம் மற்றும் குடும்ப கதையை அடிப்படையாக வைத்தும் உருவாக்கப்பட்டுள்ளது. இரு படங்களுக்கும் ரசிகர்களிடையே மிகப்பெரிய வரவேற்பு இருந்து வருவது காண்போரை ஆச்சரியத்தில் ஆழ்த்தியுள்ளது.
9 ஆண்டுகள் கழித்து மோதும் விஜய்-அஜித் திரைப்படங்கள்!!
