இயக்குநர் லோகேஷ் கனகராஜ் இயக்கத்தில் நடிகர் விஜய் இரண்டாவது முறையாக நடித்து வரும் திரைப்படம் லியோ.
இவர்கள் இருவரின் கூட்டணியில் இதற்கு முன் வெளிவந்த திரைப்படம் மாஸ்டர். இத்திரைப்படம் மக்களிடையே அமோக வரவேற்பை பெற்றது. இதனை தொடர்ந்து தற்போது லியோ திரைப்படத்தில் மீண்டும் இணைந்திருப்பது ரசிகர்களிடையே பெரும் உற்சாகத்தை ஏற்பத்தியுள்ளது. இத்திரைப்படத்தில் நடிகர் விஜய்க்கு ஜோடியாக நடிகை த்ரிஷா நடித்து வருகிறார்.
அதுமட்டுமல்லாது இத்திரைப்படத்தில் பெரிய நட்சத்திர பட்டாளமே நடித்து வருகிறது. இதில் இயக்குநர் மிஷ்கின் , இயக்குநர் கௌதம் மேனன், மலையாள நடிகர் மேத்திவ் தாமஸ், சஞ்சய் தத் போன்ற முக்கிய பலரும் நடித்து வருகின்றனர். இத்திரைப்படத்தின் படப்பிடிப்பு சமீப நாட்களில் தொடங்கி காஷ்மீரில் நடைபெற்று வருகிறது.
இதில் முதற்கட்டமாக மிஷிகின் வரும் காட்சிகளின் படப்பிடிப்பு நிறைவடைந்து சென்னை திரும்பினார். இதற்கு பின் நடிகர் சஞ்சய் தத் காட்சிகள் படமாக்க இருப்பதாக தகவல் வெளியானது. மேலும் இத்திரைப்படத்தின் முதற்கட்ட படப்பிடிப்புகள் இம்மாதத்தின் இறுதிக்குள் நிறைவடைய இருப்பதாகவும் தகவல் வெளியாகியுள்ளது. இதனிடையே சமீப நாட்களுக்கு முன்னதாக சஞ்சய் தத் லியோ படப்பிடிப்பு தளத்திற்கு வருகைத்தந்தார்.
இவரை படப்பிடிப்பு தளத்திற்கு லியோ படக்குழு வீடியோ ஒன்றை வெளியிட்டு வரவேற்த்தது குறிப்பிடத்தக்கது. மேலும் அவரை நடிகர் விஜய், இயக்குனர் லோகேஷ் கனகராஜ் என அனைவரும் சேர்ந்து பிரம்மாண்ட முறையில் அவரை வரவேற்த்தனர். இதனை தொடர்ந்து இன்று அவரின் படப்பிடிப்புகள் காஷ்மீரில் நிறைவடைந்த நிலையில் அவர் படப்பிடிப்பு தளத்தில் இருந்து கிளம்பினார்.
இதனை தொடர்ந்து படக்குழு சஞ்சய் தத்துடன் எடுத்துக்கொண்ட புகைப்படத்தை பதிவிட்டு உங்களுடன் பணியாற்றியதில் பெரும் மகிழ்ச்சி. மீண்டும் அடுத்த கட்ட படப்பிடிப்பில் சென்னையில் சந்திப்போம் என பதிவிட்டிருப்பது இணையத்தளங்களில் வைரலாகி வருகிறது.
