தமிழ் திரையுலகில் சமீபத்தில் கலக்கி வரும் திரைப்பட இயக்குநர்களில் மிகவும் பிரபலமானவர் லோகேஷ் கனகராஜ்.
இவர் தற்போது இரண்டாவது முறையாக விஜய்யுடன் கூட்டணியில் இருந்து வருகிறார். 7 ஸ்கிரீன் ஸ்டுடியோஸ் நிறுவனம் தயாரிக்கும் இத்திரைப்படத்திற்கு லியோ என பெயரிடப்பட்டுள்ளது. லோகேஷ் கனகராஜ் இயக்கும் இத்திரைப்படத்தில் நடிகர் விஜய் கதாநாயகனாக நடித்து வருகிறார், இவருக்கு ஜோடியாக நடிகை த்ரிஷா நடித்து வருகிறார்.மேலும் இத்திரைப்படத்திற்கு இசையமைப்பாளர் அனிருத் இசையமைத்து வருகிறார்.
இத்திரைப்படத்தின் அதிகாரப்பூர்வ அறிவிப்புகள் அனைத்தும் வெளியான நிலையில்,லியோவின் முதற்கட்ட படப்பிடிப்புகள் 150 பேர் கொண்ட குழுவுடன் காஷ்மீரில் விறுவிறுப்பாக நடைபெற்று வருகிறது. மேலும் இத்திரைப்படத்தின் முதற்கட்ட படப்பிடிப்புகள் இம்மாதத்தின் இறுதிக்குள் முடிக்கப்படுவதற்கு படக்குழு திட்டமிட்டிருப்பதாக தகவல் வெளியானதை தொடர்ந்து தற்போது லியோ திரைப்படம் குறித்த அடுத்த கட்ட அறிவிப்பை வெளியிட்டது தயாரிப்பு நிறுவனம்.
அதாவது முதற்கட்ட படப்பிடிப்புகள் ஏற்கனவே நிறைவடைய இருப்பதாக சொல்லப்பட்ட நிலையில், தற்போது அடுத்தக்கட்ட படப்பிடிப்பு குறித்த தகவல் அதிகாரப்பூர்வமாக அறிவிக்கப்படுவதாக படக்குழு தகவல் வெளியிட்டுள்ளது சமூக வலைத்தளங்களில் வைரலாகி வருகிறது. இதனை தொடர்ந்து லியோ திரைப்படத்தில் பல முக்கிய நடிகர்களும் நடித்து வரும் நிலையில் முதற்கட்டமாக மிஷ்கினின் காட்சிகளின் படப்பிடிப்புகள் நிறைவடைந்ததாக படக்குழு தெரிவித்ததை தொடர்ந்து அடுத்தக்கட்டமாக சஞ்சய் தத் காஷ்மீர் செல்லவுள்ளதாக தெரிவித்திருந்தது.
அதன்படி இன்று லியோ திரைபப்டத்தின் படப்பிடிப்பு தளத்தில் இன்று நடிகர் சஞ்சய் தத் கலந்துகொண்டுள்ளார். இவரை படப்பிடிப்புக்கு வரவேற்கும் முறையில் படக்குழு வீடியோ வெளியிட்டு தெரியப்படுத்தியிருந்தது. அதுமட்டுமல்லாது நடிகர் விஜய், லோகேஷ் கனகராஜ் என இவரை வரவேற்க்கும் புகைப்படங்களும் இணையத் தளங்களில் வைரலாகி வருகிறது. இருப்பினும் லியோ திரைப்படத்தின் படப்பிடிப்புகள் ரசிகர்கள் எதிர்பார்த்தை விடவே சற்று மின்னல் வேகத்தில் தான் நடந்து வருகிறது என்பது தெளிவாகத் தெரிகிறது.
