தமிழ் சினிமாவின் முக்கிய ஜாம்பவானான நடிகர் அஜித் தற்போது துணிவு திரைப்படத்தை தொடர்ந்து லைகா நிறுவனத்தோடு அடுத்த திரைப்படத்தில் நடிக்க இருக்கிறார்.
இயக்குநர் எச்.வினோத் இயக்கத்தில் நடிகர் அஜித் நடிப்பில் சமீபத்தில் பிரம்மாண்ட வரவேற்புடன் வெளியான திரைப்படம் துணிவு. இத்திரைப்படம் சென்ற பொங்கலுக்கு விஜய் நடிப்பில் உருவான வாரிசு திரைப்படத்துடன் போட்டி போட்டுக்கொண்டு வெளியானது. இதனை தொடர்ந்து தற்போது விஜய் லோகேஷ் கனகராஜ் இயக்கத்தில் லியோ திரைப்படத்தில் நடித்துவருகிறார்.
இதனை தொடர்ந்து நடிகர் அஜித் மகிழ்திருமேனி இயக்கத்தில் லைகா நிறுவனத்தோடு ஏகே 62 திரைப்படத்தில் அடுத்ததாக நடிக்க இருக்கிறார். இதனிடையே சமீபத்தில் அஜித் தனது அடுத்த பைக் சுற்றுப்பயணம் குறித்து தகவலை தனது மேனஜர் மூலம் தெரிவித்திருந்தார். இதனைத் தொடர்ந்து அப்பயணத்திற்கு பரஸ்பர மரியாதை பயணம் எனவும் இவை நீண்ட நாள் அஜித்தின் கனவு என்ற தகவலும் வெளியானது.
இதனைத்தொடர்ந்து தற்போது நடிகர் அஜித்தின் புகைப்படங்கள் இணையத்தளங்களில் வைரலாகி வருகிறது. மேலும் அஜித் சமூக வலைத்தளங்களில் இல்லாத நிலையில், அவரது மனைவி ஷாலினி அஜித் சமீப நாட்களாக சமூக வலைத்தளங்களில் ஆக்டிவாக இருந்து வருகிறார். இந்நிலையில் ஷாலினி அஜித் இன்று தனது சமூக வலைத்தளப் பக்கத்தில் குடும்பத்துடன் எடுத்த புகைப்படங்களை பதிவிட்டுள்ளார்.
அதில் அஜித் தனது மனைவி ஷாலினி, மகன் மகளுடன் இருந்து வரும் புகைப்படத்தை தற்போது இணையத்தளங்களில் ரசிகர்கள் கடும் வைரலாக்கி வருகின்றனர். இதனுடன் ரசிகர்கள் பலர் தங்களது கருத்துக்களையும் பதிவிட்டு வருகின்றனர். மேலும் இது போன்ற புகைப்படங்களை சமீபத்தில் நடிகை ஷாலினி அஜித் வெளியிட்டு வருவதால் தான் ரசிகர்களின் பார்வைக்கு இப்புகைப்படங்கள் வருவது குறிப்பிடத்தக்கதாக உள்ளது.
